NUNES, TINAPOS ANG 13-YEAR NA PAGREREYNA NI CYBORG

PINA-KNOCKOUT agad ni Amanda Nunes si Cris “Cyborg” Justino sa unang round pa lamang ng kanilang laban sa UFC 232 kahapon.

SANDALI lang tinigpas ni Amanda Nunes ang 13-year record ni featherweight champion Cris “Cyborg” Justino sa first round ng kanilang laban sa UFC 232.

Nabigyan niya agad ng knockout ang American-Brazilian mixed martial artist na si Cyborg sa loob lamang ng 51 segundo sa first round. Bago ito ay nagdagdag ng timbang si Nunes sa 10 pounds para makagawa naman ng kasaysayan bilang bantamweight champion para hamuning makaharap ang 33-anyos na si Cristiane Justino Venâncio o mas kilalang Cyborg.

Ikatlong fighter si Nunes ngayon sa UFC history na may dalawang magkasunod na title belts. Mayroon ding dalawang title belts ang 30-anyos na Brazilian mixed martial artist tulad nina Conor McGregor at Daniel Cormier. “I knew this was happening, I told you all!. Cris is a great fighter, nothing but respect. It was an awesome opportunity to share the octagon with her. I’m very thankful to her for this. I’m the new ‘champ-champ.’ I said that before, and now I’m just achieving this dream,” saad ni Nunes.