MAS INTENSIDAD AT EXCITING ANG NEW SEASON NG SUPERLIGA

ISA pa muling ka­abang-abang na labanan ng volleyball sa Philip­pine Superliga (PSL) ang pormal na matutung­ha­yan sa pagbubukas sa bagong season simula sa Enero 2019.

Base sa official calen­dar of events ng 2019, mas pinalaki at mas presti­hiyoso ang club league sa bansa ang sisimulan sa pagpasok ng bagong taon dagdag pa ang pag­kakaroon ng tradisyonal na Fans’ Day at iba pang out-of-town activities tu­lad ng exhibition mat­ches at volleyball clinics sa pa­gitan ng Enero 19 hang­gang 30.

Game time naman sa pagbubukas ng PSL sa Grand Prix sa Pebrero 9 kung saan ay magkaka­roon ng tig-dalawang fo­reign players ang bawat walong magsasagupang koponan para sa paglala­banang pride and glory.

Makaraan niyan, ang liga ay pahinga muna para sa paglahok ng bansa sa Asian Women’s Club Championship sa China sa Abril 20-28 kasunod ng Beach Volleyball Chal­lenge Cup 2019 mula Mayo 23 hanggang 26 para sa half year activities.

“This calendar of events reflects our com­mit­ment of coming up with high-level women’s volleyball action,” ayon kay PSL chairman Philip Ella Juico, na idinagdag ang suporta ng broadcast partner, ESPN5, at natio­nal federation Larong Volleyball sa Pilipinas, Inc., na nanatiling solido sa liga.

Ang All-Filipino Con­fe­rence ay pinagwagian ng powerhouse Petron kamakailan bago mag-Pasko ay magsisimula sa Hunyo 15 hanggang Agos­to 24 kasunod ng 3rd Asian Women’s U23 Vol­leyball Championship sa Vietnam sa Hulyo 13 hanggang 21.

Ang iba pang interna­tional event, ang 20th Asian Senior Women’s Volleyball Championship ay idaraos sa Agosto 31 hanggang Set. 8 sa South Korea bago ang simula ng Invitational Conference mula Oct. 5 to Nov. 16.

Ang Invitational Con­ference ay isa muling slam-bang affair na kata­tampukan ng walong pa­la­ban na teams kasama ang mga regional, colle­giate at iba pang club teams sa bansa.

Pahinga muli ang liga sa Nob. 30 hanggang Dis. 10 dahil sasabak ang na­tional squad sa 30th South­east Asian Games bago muli ang beach vol­leyball event sa Disyem­bre na pormal na magsa­sara sa season.

“I believe our 2019 season will be as action-packed and as intense as the previous years.

We’re looking for­ward to ano­ther success­ful season with the help of the pla­yers, clubs, spon­sors, our broadcast partner, the national fe­deration and, of course, the fans,” saad ni Juico. (VA/MC)