Napoles, ilipat sa correctional

INIUTOS na ng Sandi­ganbayan First Division ang paglilipat ng piitan sa tina­guriang pork barrel scam queen na si Janet Lim Napoles ka­ugnay sa kanyang kasong plunder.

Mula sa kanyang deten­siyon sa Camp Bagong Diwa, Taguig City ay dadal­hin na sa Correctional Ins­titution for Women (CIW) sa Mandaluyong City si Napoles.

“I hereby commit to you the person Janet Lim Na­poles sentenced by this Court per decision promul­gated on December 7, 2018,” ayon sa korte.

Una nang nakulong si Napoles sa CIW matapos matukoy na guilty ito sa ka­song illegal detention.

Gayunman, pinawa­lan-sala siya ng Korte Suprema kaya ibinalik sa Camp Ba­gong Diwa habang dinidinig ang iba pa nitong kaso tung­kol sa pork barrel fund scam.

Nauna na ring naghain si Napoles ng motion for re­consideration sa Sandigan­bayan para ipaliwanag ang pangangailangan na siya ay mapawalansala sa plunder case makaraang maabsu­welto ang kapwa nito aku­sado na si dating Senador Ramon ‘Bong’ Revilla, Jr.