Kung kailangang ituro sa kolehiyo ang buhay at mga aklat na isinulat ni Gat Jose Rizal

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malaman kung kailangan ba talagang ituro ang buhay at mga aklat ni Gat Jose Rizal sa kolehiyo? — Drew

Dear Drew,

Para sa inyong kaalaman, ang inyong katanungan ay binigyang-linaw sa Section 1 ng Republic Act No. 1425 na may pamagat na “An Act to Include in the Curricula of all Public and Private Schools, Colleges and Universities Courses on the Life, Works and Writings of Rizal, Particularly His Novels Noli Me Tangere and El Filibusterismo, Authorizing the Printing and Distribution Thereof, and For Other Purposes,” o mas kilala sa tawag na “Rizal Law” kung saan nakasaad na:

“Section 1. Courses on the life, works and writings of Jose Rizal, particularly his novel Noli Me Tangere and El Filibusterismo, shall be included in the curricula of all schools, colleges and universities, public or private: Provided, That in the collegiate courses, the original or unexpurgated editions of the Noli Me Tangere and El Filibusterismo or their English translation shall be used as basic texts. xxx”

Sang-ayon sa nabanggit na batas, ang mga kurso sa buhay, mga gawa at isinulat ni Gat Jose Rizal, lalo na ang kanyang mga nobela na Noli Me Tangere at El Filibusterismo ay dapat ituro at kasama sa curriculum ng lahat ng paaralan, kolehiyo at unibersidad, pampubliko o pribado man.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maa­aring maiba ang opinyon kung mayroong karagdagang impor­masyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.