KONTRATA NI JAMES YAP, EXTENDED; DESIDERIO AT TRATTER SA B’ELITE

BUHAY pa ang career ng tatlong taong season para sa Rain or Shine Elasto Painters kung sa­an ay pinalagdang muli ng kontrata rito si James Yap. Ang pagpirma ng 36-anyos na star player na si Yap ay kinumpirma ni RoS co-team owner Ray­mund Yu at iyon mis­mong karag­dagang con­tract extension umano ang kahili­ngan ni Yap. Baka ito na rin daw ang last contract ni Yap na nag­­­papahi­watig na rin ang dating shooting guard ng University of the East ng kanyang pag­reretiro.

Napasakamay na ni Yap ang career milestone na 10,000 points ha­bang ito ay nasa Rain of Shine.

Samantala, tu­wang-tuwa ang Blackwater Elite sa pagpirma ng kontrata ng bago ni­lang manlalaro na sina Paul Desiderio at Abu Tratter. Pumirma ng three-year maximum contract, ayon kay team manager Joel Co ang dating University of the Philippines player. Ka­pareho rin ng three-year max deal na pinir­mahan ng 7th draft pick na si Tratter.

May 1-year deal na ni­lagdaan si Diego Dario para sa koponan. Ikina­tu­wa ng Elite, ayon kay Co ang pagpirma ng kon­­trata ng tatlo bago mata­pos ang 2018.