Kapalit ng trabaho, pabahay at libreng pag-aaral | 8,000 REBELDE SUMUKO

AABOT sa 8,000 re­bel­de ang sumuko mula nang ipatupad ng gobyerno ang localized peace talks laban sa mga komunista.

Sa press briefing sa Ma­lacañang, ipinagmalaki ni Defense Secretary Delfin Lo­renzana ang magandang na­ging epekto nito kung saan pinagkalooban ng libreng pag-aaral at trabaho ang mga sumuko.

“Buong taon 8,000 na iyong bumababa at ito ay bi­nibigyan natin ng kau­kulang assistance from the government, like housing, iyong livelihood nila, schoo­ling of the kids, medical care. Iyong TESDA, they are going to train these people for skills. And hindi lang iyon, hindi lang sila iti-train kung hindi ihahanap pa sila ng trabaho kapag tapos na silang mag-training,” ani Lorenzana.

“So, this is a complete package that we are giving to those who are coming down, iyong mga tinatawag nating former rebels that will join the government or join the community so that they can live also normally within their communities,” paliwa­nag pa ni Lorenzana.

Sinabi ng kalihim na sa kabuuang 8,000, nasa 1,700 ang isinuko ang kanilang mga baril kung saan karamihan dito ay mga militia.