Ika-30 kaso ng Dengvaxia, isinampa ng PAO sa DOJ

PORMAL nang isinam­pa sa Department Of Justice (DoJ) ng Public Attorneys Office (PAO) ang ika-30 kaso na may kaugnayan sa Dengvaxia vaccine.

Ang hakbang ay kasu­nod sa pagkamatay ng 12-anyos na si Kristel Jean Mag­tira ng Candaba, Pam­panga ngayong taong ito na sa inisyal na diagnosis ng mga doktor ay aneurism ang sanhi o pagputok ng ugat sa ulo.

Sinabi naman ni Dr. Erwin Erfe, pathologist ng PAO na ang nakita nila sa utak ng bata ang isa sa ma­tinding kaso ng internal blee­ding na nakita nila sa mga biktima ng Dengvaxia.

Kasabay nito, isang rally naman ang isinagawa ng mga magulang at tagasuporta ng PAO sa labas ng DOJ.

Panawagan nila ang pagbibitiw ni Health Secre­tary Francisco Duque III dahil sa umano’y pakiki­pagsab­watan para itago ang katotohanan.