Dating pusher binaril, utas

BINARIL hanggang sa mapatay ng mga hindi nakikilalang suspek ang isa umanong dating drug personality sa Bgy. Malabanban Sur, Can­de­laria, Quezon.

Ayon sa imbestigas­yon, alas-7:30 ng gabi nang mangyari ang insidente sa loob ng bahay ng biktimang si Joselito Villamor, 32, may asawa, laborer.

Nasa kusina ito habang kumakain nang biglang pasukin ng ilang armadong kalala­kihan.

Agad siyang pinag­babaril sa ulo at katawan na daglian nitong ikina­matay saka nagsitakas ang mga salarin.

Inaalam pa kung may kaugnayan sa dati ni­tong kasong iligal na droga ang motibo sa pagpatay.