DENR official, kulong sa katiwalian
HINATULAN ng Sandiganbayan na mapiit ang City Environment and Natural Resources (CENRO) Officer sa Pasig City dahil sa katiwalian.
Sa 20-pahinang desisyon ng 2nd Division ng Anti-Graft Court, napatunayang guilty si Raquel Austria Naciongayo na pinarurusahang makulong ng isa hanggang tatlong taon.
Diskuwalipikado na ring humawak ng kahit anong posisyon sa pamahalaan ang nasabing opisyal.
Ayon sa mga Mahistrado, pinaboran ng akusado ang isang kumpanya sa kabila na wala itong matatawag na tract record para maging karapat-dapat na makipagtransaksiyon sa gobyerno.
Batay din sa testimonya ng ilang testigo, ang tatay ng akusado ay naging resource speaker sa training seminar habang incorporator naman ang kapatid nito at siya pa ang nagsilbing contact person ng kumpanyang Enviserve.
Minadali umano ni Naciongayo ang pagpili sa nasabing kumpanya at hindi dumaan sa public bidding.
Sinasabing ginawang sapilitan ang pagdalo sa training seminar ng kumpanya bilang bahagi ng requirement sa pagkuha ng environmental and business to operate permit.
Comments