Bebot na feeling scared na tumandang dalaga dahil bread winner ng pamilya

Dear Roma,

Nais kong humingi ng payo sa inyo tungkol sa pinagdaraanan ko. Ako si Jona, 21 years old at 4th year college. Sa nga­yon ay mayroong nanlili­gaw sa akin at kahit gus­tuhin ko ay hindi ko siya maipakilala sa mga ma­gulang ko dahil istrikto sila. Sigurado ako na ang sasabihin lang nila sa akin ay tapusin ko muna ang pag-aaral ko at mag­trabaho ako para maka­tulong sa kanila. Wala si­lang ibang inaasahan na tutulong sa pagpapaaral sa mga kapatid ko kundi ako dahil may pamilya na ang mga kuya ko. Sa to­too lang, natatakot ako na tumandang dalaga kata­tra­baho at kapapaaral sa mga kapatid ko. Roma, ano ang maipapayo ninyo sa akin? Maraming sa­lamat! — Jona

Jona,

Ang maipapayo namin sa’yo na kausapin mo ang iyong mga magulang nang sa gayun ay maintindihan nila na may plano ka rin para sa iyong sarili. Sigura­dong da­rating din ang pa­nahon na maiintindihan ng iyong mga magulang na mahalaga rin ang iyong kaligayahan. Ngu­nit, ipa­nga­ko mo sa ka­nila na pa­tuloy mo pa rin silang tutu­lungan sa pagpa­paaral sa iyong mga kapa­tid sa pa­nahon na magka­roon ka ng kasintahan o asawa. Hiling namin na maunawaan ka ng iyong mga magulang. Good luck, girl!