PHL U19 VOLCANOES, NAKATANSO SA THAILAND

PRODUKTIBONG alaala ang bitbit ng rugby sa bansa pagpasok ng 2019 dahil sa pagsampa ng Pili­pinas sa podium ng iba’t-ibang mga paligsahan sa na­kalipas na mga buwan.

Isa na rito ay ang U19 Di­vision 1 Asia Rugby Cham­pionships na ginanap sa Thailand kung saan na­hablot ng mga binatilyong rugby players natin ang me­dalyang tanso matapos da­igin ang karibal mula sa Chi­na, 33-19, sa duwelong pang­tersera upang iposte ang pi­naka­mataas na resulta sa nakalipas na limang taon.

Sa 2018 Asia Trophy Series naman, pilak ang na­iuwi ng Lady Volcanoes sa torneong nilahukan din ng mga koponan mula sa Uzbe­kistan, Pakistan, India, Nepal, Indonesia, Malaysia, Guam, Laos at ang pu­nong-abalang Brunei. Limang panalo sa anim na laro ang nairehistro ng mga Pinay.

Kasama sa mga ito ang pag-ungos sa Uzbekistan, 12-10; Pakistan, 38-0; India, 17-10; Nepal, 43-0 at Guam, 10-7 bago tumiklop kontra sa Malaysia.

Bridesmaid din ang na­ging papel ng Pilipinas sa Division 1 Asia Rugby Wo­men’s Championship noong Hunyo.

Nasaksihan ang pagko­po ng men’s 15s team sa Di­­vision 1 Asia Rugby Cham­pionships at ang pagdaig ng men’s residents XV na gru­po laban sa Guam sa isang exhibition affair.

At siyempre pa, ang pi­nakamaningning sa lahat ay ang pagsasabit sa leeg ng Philippine Volcanoes ng bronze medal sa 2018 Asia Sevens Series tungo sa pa­giging pangatlong pinaka­malupit na koponan ng rug­by sa buong Asya.