Misis niratrat, utas

TODAS ang 45-anyos na babae makaraang pagbabarilin ng hindi pa nakikilalang salarin sa Parañaque City.

Dead-on-arrival sa Premier Medical Center ang biktimang si Maricel dela Cruz, ng Bgy. San Dionisio.

Sa inisyal na ulat na nakarating kay Parañaque City Police Chief Sr. Supt. Rogelio ‘Jojo’ Rosales, nangyari ang pamamaril sa kahabaan ng Tulips St., Tramo Uno, alas-7:40 ng gabi.

Napag-alaman na habang naglalaro ng fruit game ang biktima, hindi nito namalayan ang pagdating ng armadong suspek na nakasuot ng facemask at agad siyang pinaputukan ng ilang beses bago tumakas.

Nagsagawa ng follow-up operation ang pulisya kaugnay sa pamamaril at inaalam na rin ang pagkakakilanlan ng suspek.