Kung maaaring makulong ang sinumang magpapakita ng diskriminasyon sa katutubong bata

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malaman kung maa­ari bang makulong ang isang tao kapag nagpakita siya ng diskriminas­yon sa batang miyem­bro ng indigenous group o katu­tubo? — Mabel

Dear Mabel,

Para sa inyong kaa­la­man, ang inyong kata­nungan ay tinatalakay sa Republic Act (R.A.) No. 7610 o “An Act Providing For Stronger Deterrence And Special Protection Against Child Abuse, Exploitation And Discrimination, and for other purposes.” Na­banggit sa nasabing batas na:

“Section 20. Discrimination. – Children of indigenous cultural communities shall not be subjected to any and all forms of discrimination.

Any person who discriminate against children of indigenous cultural communities shall suffer a penalty of arresto mayor in its maximum period and a fine of not less than five thousand pesos (P5,000) [but not] more than ten thousand pesos (P10,000).” (Binigyang-diin)

Samakatwid, ang discrimination sa isang bata dahil siya ay katutubo ay maaaring maparusahan ng pag­kakulong ng apat (4) na buwan at isang (1) araw hanggang anim (6) na buwan. Higit pa rito, siya ay magbabayad ng multa na hindi bababa ng limang libong piso (P5, 000) ngunit, hindi lalagpas ng sampung libong piso (P10, 000).

Nawa ay nasagot na­min ang inyong katanu­ngan. Nais naming ipa­alala sa inyo na ang opinyong ito ay naka­base sa inyong mga naisalaysay sa inyong liham at sa pagka­ka­intindi namin dito. Maaaring maiba ang opinyon kung mayro­ong karagdagang impor­masyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.