Dyuskoday naman talaga! SIKAT NA AKTRES, SOBRANG MAINLAB, SUGAR MOMMY ANG PEG, TODO-REGALO AT SHOPP

BLIND ITEM:

TUTOL na tutol noon ang mommy ng isang sikat na dramatic actress sa BF ng anak na isa ring aktor. May something daw na nararamdaman ang maderaka ng dramatic actress pero hindi lang niya masabihan at mahadlangan ang anak na super in love sa BF nito that time.

Ang ipinagsisintir ng mommy ng dramatic actress ay sobra raw galante ang kanyang anak sa karelasyong aktor. Mis­tulang gay ito na todo-regalo sa lalaki kapag naiinlab. Mamahaling gamit with matching alahas ang inireregalo nito.

Sa halip na ang girl ang regaluhan ng BF ay siya ang panay-panay ang shopping para sa mga gamit ng guy. Sina­samantala naman ng aktor ang generosity ng GF dahil madalas na nag-e-emote kapag may nakursuna­dahang gamit.

Para namang alipin na sunud-sunuran lang noon ang dramatic actress. Pero dumating din ang panahon na na-realize ng girl na talo siya sa ganu’ng relasyon kaya nauwi rin sa breakup ang lahat.

Ang mommy ni dramatic actress ang tuwang-tuwa sa nangyari.