Video ng pambubugbog matapos mag-viral sa FB | BULLY SA ATENEO, KICK OUT!

NAGDESISYON na ang pamunuan ng Ateneo de Manila University na i-dis­miss ang isa sa kanilang junior high school student na nakuhanan ng video na nambu-bully o nang-aapi ng kamag-aral.

“After a thorough in­vestigation that included listening to all parties in­volved, the decision of the administration is to impose the penalty of dismissal on the student caught bullying another student in the com­fort room of the school,” pa­hayag ni Ateneo President Jose Ramon Villarin sa isang pahayag.

Dahil dito, hindi na maka­babalik sa Ateneo ang na­sa­bing junior high school stu­dent. Ikinatuwiran ni Villarin na sa kabila na may mga patakaran na ang unibersi­dad kontra bullying, bumuo pa rin siya ng task force na pag-aaralan kung dapat pang dagdagan ang mga pataka­ran para matiyak na ligtas mula sa pang-aapi ang mga estudyante.

Matatandaang, nag-viral sa social media ang video kung saan mapapanood ang isang estudyante ng Ateneo Junior High School na hina­mon ang kanyang kamag-aral sa loob ng banyo ng ka­nilang paaralan bago niya ito sinipa at pinagsusuntok.

Pinapili muna ng bully ang isang lalaking umiihi kung bugbog o dignidad. Kung pipiliin umano nito ang dignidad ay palu­luhurin umano ito at pahahalikan ang sapatos at ang bayag ng bully boy.

Binilangan ng bully ang estudyante, matapos ang bi­lang ay pinormahan na ito na aktong bubugbugin.

Pinagsusuntok at sipa ng maliit na bully boy ang es­tud­yante, matapos makako­nekta ng solidong suntok ay dumugo ang nguso nito.