Maligayang Pasko sa lahat ng tagasubaybay ng BULGAR newspaper at online!
HINDI LANG BULLY STUDENT ANG DAPAT MAG-INGAT KUNDI PATI ANG PANGULO—Pinayuhan ng Malacañang ang mga magulang ng nam-bully na si Joaquin Montes na huwag muna nila itong hayaang makita ng publiko dahil baka gantihan o saktan ito ng taumbayan na nagalit sa ginawa nitong pambu-bully at pananakit sa mga kapwa niya mag-aaral sa Ateneo.
May punto ang Malacañang sa sinabi nilang ito, pero sana ay pagsabihan din ng mga taga-Palasyo si P-Duterte na mag-ingat din sa publiko kasi sa sobrang taas ng presyo ng mga bilihin, EJK (extrajudicial killings), talamak na korupsiyon, puslitan ng tone-toneladang shabu sa Bureau of Customs, pang-iinsulto sa mga Katoliko, pananakot at pambabastos sa mga taong-Simbahan, pang-aalipusta sa mga santo at pagmumura sa Diyos, eh, sa totoo lang, marami rin ang galit sa pangulo, boom!
◘◘◘
PAGPATAY KAY CONG. BATOCABE, KINONDENA NG MGA PULITIKO, PERO PAG-EJK SA LIBU-LIBONG PINOY, DEDMA LANG —Kinondena ng mga senador at kongresista ang pang-ambush at pagpatay kay Ako Bicol Partylist Rep. Rodel Batocabe.
‘Yan ang asal ng mga pulitiko kapag kapwa nila pulitiko ang napapatay, lalo na at kaalyado pa nila ang biktima ay may pakonde-kondena silang nalalaman, pero kapag ordinaryong mamamayan ang pinapatay kahit libu-libong buhay na ang nai-EJK, wala silang paki, mga buwisit!
◘◘◘
KAHIT MAY EBIDENSIYANG SHABU, ‘DAYUNYOR’ NI FAELDON, ABSUWELTO!—Sa kabila na may nakumpiskang shabu sa bahay na kinaroroonan ni Nicanor Faeldon, Jr., anak ni BuCor Director Nicanor Faeldon, Sr., inabsuwelto pa rin ito sa kaso ng prosecutor’s office na nasa ilalim ng pamamahala ni DOJ Sec. Menardo Guevarra
Patunay ‘yan na sobrang lakas ni Faeldon, Sr. sa gobyernong Duterte, pwe!
◘◘◘
MALIGAYANG PASKO PO SA LAHAT NG MGA NAKASUPORTA SA BULGAR.
Mamayang pagsapit ng alas-dose ng gabi ay Pasko na! Sa mga mambabasa ng BULGAR newspaper at sa mga nakasubaybay sa BULGAR online, Merry Christmas po sa inyong lahat!
Comments