Tserman niratrat ng 3, todas

DEDBOL sa tatlong armadong lalaki ang isang barangay chairman matapos barilin sa kanyang bahay sa Bgy. Panghayaan, Taysan, Batangas.

Pasado alas-7:00 ng umaga habang nasa garahe ang biktimang si Eduardo Panganiban, 59, may asawa, nang sumulpot ang tatlong suspek.

Agad siyang binaril ng mga ito sa ulo at iba’t ibang parte ng katawan saka tumakas.

Dali-daling isinugod sa pagamutan ang biktima ngunit, idineklarang dead-on-arrival.

Puspusan naman ang pagtugis ng mga kapulisan sa mga responsable sa krimen.

Sumisigaw naman ng katarungan ang kaanak ng biktima sa sinapit nito at posible umanong may kinalaman sa politika ang motibo sa pagpatay.