Paalala sa lahat: Pagpo-post sa social media tungkol sa pagbabakasyon ngayong Holiday Season, huwag

RYAN B. SISON / BOSES

NAGSISIMULA ng magbakasyon ang ilan sa ating mga kababayan kung saan ang iba ay umuwi na sa kani-kanilang pa­milya para ipagdiwang ang Pasko at Bagong Taon.

Gayunman, para mas masiguro ang se­guridad ng publiko, nagpaalala ang Philippine National Police (PNP) na mag-ingat sa pagpo-post sa social media ng up­date tungkol sa kinaroroonan o gina­gawa natin sa araw-araw.

Ito ay sa kadahilanang maaari itong magamit ng mga kawatan para gumawa ng iligal na aktibidad tulad ng pagna­nakaw, pag-aakyat-bahay at marami pang iba.

Ayon sa PNP, mas mainam na lagyan ng level of security ang social media, ga­yundin, gawing private ang pagbaba­hagi ng mga larawan o update upang hin­di mabiktima ng mga masasamang-loob.

Samantala, kung hindi maiiwasang mag-post, i-delay na lamang ito ng oras o araw nang sa gayun ay hindi matunton ng ibang tao, lalo na ‘yung mga hindi natin kakilala.

Dagdag pa rito, siguraduhing bago umalis ng bahay ay may taong pinagbili­nan para itsek ito.

Kung nagpo-post naman ng live video na usung-uso ngayon, ibahagi ito sa mga kaibigan at huwag isapubliko.

Mas masaya ang bakasyon kung pag­balik natin sa ating bahay ay hindi tayo nalooban at nagawan ng masama ng mga kawatan.

Kaya ang paalala natin sa lahat, mag­saya, pero mag-ingat!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.