Ginagawang gatasan | ROAD BOARD, BUWAGIN! — DIGONG

TINULDUKAN na ni Pangulong Rodrigo Du­terte ang usapin kaugnay sa pag­buwag o kung ma­nanatili ang Road Board makaraang magbang­gaan ang Senado at Ka­mara kaugnay sa posis­yon dito ng Punong Ehe­ku­tibo.

Ayon kay P-Duterte, nag­­kamali ng interpretas­yon sa kanyang posis­yon si House Majority Leader Ro­lando An­daya, Jr. kaugnay sa pagbuwag ng Road Board na siyang nangangasiwa ng road users’ tax.

Inamin din ng pangulo na totoong kinausap niya sina House Speaker Glo­ria Ma­capagal-Arroyo at Andaya pero, nagkaroon ng hindi pag­­­kakauna­wa­an dahil ma­tagal na ni­yang gustong bu­wagin ang Road Board.

Dahil dito, sinuporta­han ng pangulo ang po­sisyon ng Senado na lu­sa­win na ang Road Board na aniya’y gi­nagawang gatasan lamang umano ng mga tiwaling opis­yal ng gobyerno.

“I side with the Se­nate, and if it comes to a constitu­tional controver­sy, the Exe­cutive depart­ment will side with the Phi­lippine Senate and its interpretation of the law that the process has been completed; that it has been sent to the Senate for ap­proval and on time it was signed,” ani P-Du­terte sa kan­yang talum­pati sa change of com­mand ceremony sa Phi­lippine Air Force sa Pasay City.

Giit ng pangulo, mula pa lamang nang maluklok siya sa kanyang puwesto noong June 2016, isinusu­long na nito ang pagbu­wag sa Road Board.

“Ever since, I’ve really questioned the existence of this office. It’s nothing but a de­pository of mo­ney and for corruption,” pahayag ni P-Du­terte kung saan kailangan aniya na ibalik na lamang ang pa­niningil ng road user’s tax sa Department of Public Works and High­ways sa ha­lip na pangasiwaan ito ng Road Board.