6 tiklo sa drugs

ANIM katao ang ares­tado sa isinagawang buy-bust operation ng mga tau­han ng Manila Police Dis­trict-Police Station 9, kaha­pon ng madaling-araw sa Malate, Manila.

Kinilala ang mga suspek na sina Rustom Day, 25, ng Bgy. 704, target ng buy-bust operation.

Kasama nitong inaresto sina Jaime Oca, 50; Arlene Lopez, 29; Joan Briones, 43; Gelly Rose Cristy Bigger, 31, at Marlon Silas, 25.

Ayon kay PS/Insp. Gil John Lobaton, target ng ka­nilang operasyon si Day pero, nang isagawa ang buy-bust ay nasa lugar ang iba pang naaresto na hinihina­lang humihitit ng marijuana at shabu.

Narekober sa mga sus­pek ang anim na sachet ng shabu, isang sachet ng pina­tuyong dahon ng marijuana at isang glass tube na may bakas ng sinunog na mari­juana.