Panelo, kung makahirit sa kaso ng estudyanteng nam-bully, akala mo hindi bully ang amo, hmmm...

PABLO L. HERNANDEZ III / PRANGKAHAN

KUNG MAKAPAGSALITA SI PA­NELO, PARANG HINDI BULLY ANG AMO NIYANG SI P-DUTERTE —Nanawagan si Presidential Spokesman Salvador Panelo sa Ateneo de Manila na gumawa agad ng aksiyon tungkol sa insidente ng pambu-bully at pananakit ng Ateneo student na si Joaquin Montes sa mga kapwa niya mag-aaral sa esku­welahang ito.

‘Sus, kung makapagsalita si Panelo, parang hindi nambu-bully ang amo ni­yang si P-Duterte, boom!

◘◘◘

MISS UNIVERSE 2018 CATRI­ONA GRAY, MAY PAGPAPAHALAGA SA BUHAY NG MGA BATA, PERO KAY P-DUTERTE, WALA—Kung si Miss Universe 2018 Catriona Gray ay nag­pa­pakita ng pagmamahal at pagpapa­halaga sa buhay ng mga batang maralita, hindi si P-Duterte.

Tandang-tanda pa kasi ng publiko ang sinabi ni P-Duterte at nabalita pa sa bu­ong mundo na para sa kanya “colla­teral damage” lang ang mga batang napapatay sa kanyang drug war, hu-hu-hu!

◘◘◘

P-DUTERTE, GALIT SA SIMBA­HAN AT HINDI SA KORUP — Nitong mga nakalipas na araw, sunud-sunod na na­man ang atake ni P-Duterte sa Catho­lic Church, mga Obispo at pari.

Ang kapuna-puna, habang inaatake ni P-Duterte ang mga taong-Simbahan ay dedma lang siya sa kaliwa’t kanang korupsiyon na nagaganap sa kanyang administrasyon.

D’yan makikita na ang pangulo ng Pilipinas ay sobrang galit sa Simbahan, pero “nganga” sa mga korup, buwisit!

◘◘◘

NAKASAMA PA YATA ANG PAG­DOBLE SA SUWELDO NG MGA PU­LIS KASI NAGING SUGAROL SILA —Tatlong pulis na sina SP02 Jeofrey Furigay, SP01 Elwood de Leon at P03 Agapito Iringan ang nahuli sa aktong nagsusugal sa illegal online cockfighting sa Tuguegarao City.

Tila nakasama pa yata ang ginawang pagdoble ni P-Duterte sa suweldo ng mga parak kasi nagkaroon sila ng sobrang pera para makapagsugal at maging sugarol, buwisit!