P-Duterte, ang tsismosong presidente, bow!
MAS DETALYADO ANG DATA NG PNP KAYSA SA NGAKNGAK NI CHONG SA “CAINTA SHOOTOUT”—Mas detalyado pa ang data ng PNP sa naganap na “Cainta shootout” kaysa sa ngakngak ni ex-Congressman Glenn Chong na tinortyur bago niratrat daw ng kapulisan ang aide niyang si Richard Santillan.
Ayon sa PNP, si Santillan ay miyembro ng “Highway Boys” na sangkot sa drug trafficking, gunrunning, robbery at pagpatay kay Cainta Police Deputy Chief Jimmy Senosin noong Feb. 2018 at ang babaeng napatay din sa engkuwentro na si Gessamyn Casing ay pinsan ng gang leader na si Jun Augis.
Sina Santillan at Casing, ayon sa PNP ay lulan ng sasakyan ni Chong nang magtungo sa bahay ng erpat ni Jun Augis na si Fred Augis sa Block 3, Westbank Floodway, Cainta, Rizal at ang shootout ay naganap sa Block 3 sa lugar na ito.
Kung pagtatagpi-tagpiin ang data, miyembro ng “Highway Boys” si Santillan kaya resbak ni PNP-Region 4-A Director Edward Carranza kay dating Congressman Glenn Chong, huwag haluan ng pamomolitika ang isyung ito para siraan ang PNP, period!
◘◘◘
TSISMOSONG PRESIDENTE—Sabi ni P-Duterte, isang pari raw ang namatay sa sakit na AIDS at kung inyong matatandaan, ang paring pinatay noon sa Cagayan, ang sabi ng pangulo ay babaero raw ito kaya pinatay.
Hay naku, sa mga naging pangulo, si P-Duterte lang ang napakatsismoso, he-he-he!
◘◘◘
KAILAN GAGAWA NG AKSIYON SI SR.SUPT. ABRAHANO LABAN KAY ‘NOY’ SA MGA ILIGALISTA SA REGION?—Hindi lang daw kay “Riki Kiros” na may raket na color games at drop balls sa Angeles City ipinanghihingi ng payola ni “tongpats” collector “Noy” si CIDG-Region 3 Chief Sr. Supt. Christopher Abrahano kundi pati raw sa “pergalan” (peryahang may sugalan) nina “Domeng” (San Ildefonso, Bulacan), “Nardo” (Cabanatuan City) at “Evelyn” (Dinalupihan, Bataan).
Kaya kapag walang ginawang aksiyon si Sr. Supt. Abrahano laban kay “Noy” at sa mga iligalistang ito, eh, alam na!
Comments