Miss U 2018, inaangkin… SIGAW NG MGA TAGA-AUSTRALIA: CATRIONA, AUSSIE, 'DI PINOY!

Ador Saluta / ADORE ME!

NAGKOMENTO si Miss Australia Francesca Hung tungkol sa pagiging half-Australian ni Miss Universe 2018 Catriona Gray. Ito’y pag­katapos bumandera sa isang Australian tabloid ang larawan ng nanalong Miss Universe na imbes na in-acknowledge as a Filipina, nilagyan ng ekis ng tabloid ang “Philippines” at pinalitan ng “Queensland”, isang maunlad na bayan sa Australia kung saan umano ipinanganak si Catriona.

Ang ama ni Catriona na si Ian Gray ay Australian, habang Pilipina ang ina nitong si Mita Magnayon mula sa Oas, Bicol.

Via live feed, nakapanayam si Fran­cesca ng Australian morning show na The Morning Show on 7 last December 18 (Philippine time). Sa kanyang nauna nang statement, sinabi ni Francesca na “Biggest threat was Miss Philippines because she is half-Aussie.”

Sina Francesca at Catriona ay parehong kandidata sa katatapos lamang na Miss Universe 2018 pageant na ginanap sa Bangkok, Thailand last December 17.

Tinanong naman si Francesca kung kumusta si Catriona sa likod ng camera.

Sagot ng Australian beauty queen, “She’s like any other Aussie girl. She grew up in Australia, so she has the same sort values and ideals.”

Dugtong pa ni Francesca, ipinanga­nak talaga si Catriona para maging Miss Universe.

“She was born for this role. She’s a well-brought up pageant girl…”

Tinawag pa niyang “amazing” si Catriona at karapat-dapat na maging spokesperson ng Miss Universe.

Kahit pa magaganda ang sinasabi ni Miss Australia sa ating pambato, marami ring Pilipino ang hindi nagustuhan ang lumabas sa Australian tabloid na The Courier Mail Australia.

Front page ang pagkapanalo ni Cat­riona, pero inekisan ang “Philippines” at pinalitan ng “Queensland”.

Nakalagay sa report na si Catriona ay isinilang sa Cairns, Queensland, Australia.

Doon din daw nagsimula ng modelling career si Catriona sa edad na 14.

Sumagot din si Francesca sa aku­sasyong pinagtawanan umano nila si Miss Vietnam H’Hen Nie dahil hindi ito marunong mag­salita ng English.

Sa isang Instagram video, makikita sina Miss U.S.A. Sarah Summers, Miss Colombia Valeria Morales, at Francesca na nagsasalita tungkol sa limitasyon sa wikang Ingles ni Miss Vietnam. Ani Francesca, nangamba siya noon pa lang na maaa­pektuhan ng nangyaring kontrobersiya ang kanyang lugar sa pageant.

“In the days leading up to the final, I kinda processed in my head that it could perhaps have a negative effect on my placement.

“I’ll never know if it did or not, but I made top 20, and I’m happy with that.”

Nagkaroon daw siya ng panic attack dahil sa mara­ming pamba­batikos na nakuha niya sa social media.

“I deleted my Instagram at one point, and I just didn’t look at anything.

“After a while I realized that I can’t change other people’s perspective of me.

“As long as I know my intentions were pure, people around me know me… They know that I would never say anything like that deliberately.

“So, I just had to be okay with that and let other people say what they wanna say,” pagtatapos ng beauty queen.