Lalo‘t wala namang basehan | Lacson, dapat nang mag-move on sa galit kay GMA

BOBI TIGLAO / BANAT

ISA sa mga mensahe ng kapaskuhan — dapat kalimutan na ang galit natin sa kapwa.

Eh, si Senador Panfilo Lacson, Jr. tila ipi­nakikitang hindi pa nawawala ang galit niya kay House Speaker Gloria Macapa­gal-Arroyo.

Noong 2009 kung saan pangulo pa si GMA, nagsampa ang Justice Department ng kaso laban kay Sen. Lacson na nag­bintang na siya ang nag-utos sa pagkapatay sa PR na si Bubby Dacer na nadamay pa ang kawawa niyang drayber na si Emma­nuel Corbito.

Bakit nasabi nating galit pa rin si Sen. Lacson kay GMA?

Kamakailan, inakusahan niyang ang distrito ni GMA, ang Pampanga raw ay may­roong napakalaking alokasyon sa pagtatayo ng mga imprastruktura — mga kalye, flood control project at tulay para sa 2019.

Bale, ang ipinararatang ni Sen. Lacson ay ang kauupo pa lang bilang House Speaker noong Hulyo kaya paanong pinag­sasaman­talahan ang kanyang posisyon?

Maling-mali ang paratang nito. Sa totoo lang, kasinungalingan ito.

Ang badyet sa distrito ni GMA na P1.4 bilyon ay pang-isaandaan lang sa listahan ng mga alokasyon ng mga distrito.

Ang pinakamalaking alokasyon, P8.4 bilyon ay sa distrito ng dating House Spea­ker na pinalitan ni GMA, si Pantaleon Al­varez. Ang distrito ng kakampi ni Alvarez na si Rodolfo Fariñas ay bibigyan ng P4 bilyon, pangsiyam sa listahan.

Kahit ang distrito ni Edcel Lagman, na halos murahin si Pangulong Rodrigo Duterte ay madalas, magkaroon ng badyet na P4 bilyon.

Ang distrito naman ni Joey Salceda, na ang sinuportahan ay si Grace Poe noong nakaraang eleksiyon para sa pagka-pangulo ay nakakuha ng P5.7 bilyones.

Ang distrito ni Karlo Nograles, na kama­kailan lang na kinuhang cabinet secretary ni P-Duterte ay nakakukuha ng P4 bilyon.

So, ano ang pinagsasabi ni Sen. Lacson na si GMA raw at ang mga alyado nito ay gu­­mawa ng badget na magbibigay ng napaka­laking pondo sa mga distrito nila?

Lumaki ang badyet para sa distrito ni GMA para maging P1.9 bilyon dahil ang Department of Pub­lic Works and Highways ay humingi ng pondo para ma­pigilan ang palaging pagbabaha sa mga bayan ng Lubao at Sasmuan sa Pam­panga.

Maling-mali ang galit ni Sen. Lacson kay GMA.

Wala namang galit si GMA sa kanya noon para maibintang sa kanya ang kasong pag­patay kina Dacer at Corbito na siyang dahi­lan na nagtago pa siya na parang krimi­nal sa ibang bansa ng mahigit isang taon.

Ang nagtulak na kasuhan si Sen. Lacson ay ang mga dilawan noon na nasa gobyerno ni GMA.

Kasama rito ang dating pangulo na mala­pit kay Dacer, dahil ito umano ang kanyang gi­naga­mit sa mga sikretong operasyon niya sa me­dia.

Gayunman, dapat kalimutan na ni Sen. Lacson ang nararamdam niyang galit kay GMA para matigil na rin ang pagkalat ng ka­si­nungalingan sa bansa.