Kapwa estudyante ginulpi, pinaluhod, pinahahalik sa ari | BULLY SA ATENEO, HULI SA VIDEO

DALAWANG video ng umano’y pam­bu-bully sa Ateneo Junior High School ang viral sa social media.

Sa isang video, makiki­tang binugbog ng isang maliit na lalaki ang kapwa mag-aaral na umiihi sa CR.

Ang nasabing video ay unang nai-post sa Face­book account na Butch Ruiz Ba­liao.

Kapwa nakauniporme ng Ateneo ang mga sangkot kung saan pinapipili ng maliit na estudyante ang malaking mag-aaral kung bugbog o dig­nidad.

Kung pipiliin umano nito ang dignidad ay palulu­hurin umano ito at pahahalikan ang sapatos at kanyang bayag.

Binilangan niya ito saka pinormahan na aktong su­sun­tukin.

Hanggang sa pinagsu­suntok at pinagsisipa na ng maliit na estudyante ang malaking kaeskuwela na du­mugo ang nguso bago lu­ma­bas ng CR.

Samantala, sa isang vi­deo, makikita ang parehong maliit na estudyante habang nakaluhod sa kanyang ha­ra­pan ang malaki ring estud­yante at pinipilit na sabi­hin ang pangalan at sabihing ‘bobo’ ito sa harap ng camera.

Kaugnay nito, naglabas naman ng pahayag ang Ate­neo kaugnay nito. Ayon sa eskuwelahan, pa­tuloy ni­lang iniimbesti­gahan ang insidente.

“The video, taken at face value, depicts an evident act of violence that constitutes a serious violation of discipli­nary misconduct,” ayon kay Ateneo Junior High School Principal Jose Antonio P. Sal­vador.

Nakiusap din ang pamu­nuan ng eskuwelahan na iti­gil na ang pagkakalat ng video upang hindi ma­apektuhan ang mga bata lalo pa at me­nor-de-edad ang mga ito.