“PANGARAP NA KORONA NAKAMIT NA!”- VICTOLERO

ANG matagumpay na title quest ng Magnolia Hotshots sa PBA Governor’s Cup na binakante ng sister team Barangay Ginebra ay kanilang winalis sa semis, ayon kay coach Chito Victolero ay may katumbas na limang salita, “determination, dedication, patience, perseverance at will to win”.

“These are the five key words that carried us to the podium,” masayang sinabi ni Victolero kasabay na pinuri ang kanyang mga manlalaro for a job well done. “They played one hell of a game. They were all over the court shooting with impunity and rebounding. They played superior game. Wala na akong masasabi pa. Nakamit na namin ang aming minimithing pangarap,” wika ni Victolero.

Ang 102-86 clinching victory ng Hotshots sa Game 6 na ginawa sa Ynares Center sa Antipolo City ay maituturing na isa sa pinaka-lopsided win sa finals at maitatala sa kasaysayan na PBA na unang nangyari sa labas ng Araneta Coliseum. Kumbaga sa boxing, walang awang binugbog ng Hotshots ang Aces “black and blue” at hindi binigyan ng pagkakataon na makabangon. Sinabi ni Victolero na kinausap niya ang kanyang mga manlalaro na ito na ang tamang pagkakataong tapusin ang serye para maagang makapag­pahinga at bigyan ng sapat na atensiyon ang kanilang mga mahal sa buhay ngayong Kapaskuhan. “I told them play your best out there one more time. I instructed them ignite their offense and put up solid rock defense and not give the enemy elbow room to mount offensive,” ani Victolero.

Sa panalo napasama si Victolero sa elite “club of champions” na kinabibilangan nina Cone, Virgilio “Baby” Dalupan, Tommy Manotoc, Robert Jaworski, Yeng Guiao at Vincent “Chot” Reyes. Halos lahat ng players ay nag-deliver, lima ang double figures sa pangunguna ni import Romeo Travis na umiskor ng 32 points. Nag-ambag sina best player of the conference Paul Lee at Ian Sangalang ng 16 points, Mark Barroca, 13 at prized rookie Jio Jalalon ng 11. Tinalo ni Travis, kababata ni NBA superstar LeBron James ng Los Angeles Lakers sa Ohio State si Mike Harris sa kanilang personal duel kung saan tumapos ang Alaska reinforcement ng 26 points.

Bilang sportsman and gentleman, maluwag na tinanggap ni Alaska coach Alex Compton ang pagkatalo at kinamayan niya si Victolero sa ekselenteng paghawak sa Hotshots. “Chito deserves the title. Let’s give it to him,” sabi ni Compton mata­­pos muling mabigo sa kanyang ambisyon na makuha ang korona para ibalik sa Alaska ang podium.