12-anyos nabangga, patay | MISTER NAGBARIL SA BIBIG

PINANINIWALAANG sobrang binagabag ng kon­sensiya ang isang lalaki ma­karaang magbaril sa sarili nang makabundol at maka­patay ng 12 years old na la­laki sa Dumaguete City.

Natagpuan na lamang na wala ng buhay sa kanyang kuwarto si Henry Centino, 45.

Una rito, nasalpok ng SUV na minamaneho ni Cen­tino ang motor na sinasakyan ng biktimang si Gilbert Big­no, kasama ang iba pang mga bata sa Valencia Road, Bgy. East Balabag, Negros Oriental nitong Lunes.

Namatay si Bigno nang araw ding iyon habang nire-revive sa Holy Child Hos­pital sa Dumaguete City.

Ligtas naman ang tatlong iba pang sugatan na mga kasama ni Bigno, kabilang ang tatlong menor-de-edad na kasaluku­yang naka-confine sa naturang ospital.

Binabaybay ng motor­siklo na minamaneho ng 39-anyos na si Cheryl Basiao kasama ang mga bata nang mabangga ito ni Centino.

Sa halip na hintuan, pi­naharurot pa umano ni Cen­tino ang kanyang SUV at iniwan ang mga biktima na nakahan­dusay sa kalsada. Sa follow-up investiga­tion, lumilitaw na labis na ikinalungkot ng driver ang pangyayari at nagkulong sa kuwarto hanggang sa matag­puan itong patay na.

Lumabas din sa imbesti­gasyon na isinubo ni Centino ang barrel ng kanyang .45 pistola saka ipinutok kung saan tumagos ang bala sa likod ng kanyang ulo.