GF ni Luis, kaya napaiyak… VILMA, ATAT NANG MAGING MANUGANG SI JESSY

Vinia Vivar / FRANKLY SPEAKING

NAPAIYAK ng Star for All Seasons at Batangas congresswoman na si Vilma Santos ang future manugang niyang si Jessy Mendiola sa episode kahapon ng Magandang Buhay.

Guest si Jessy sa naturang episode at sorpresang nag-phone patch interview si Ate Vi na talaga namang ikinagulat at ikinatuwa ng aktres.

Diretsahang tinanong ni Karla Es­trada si Ate Vi kung gusto na ba niyang maging daughter-in-law si Jessy.

“Hindi naman ako ang magdedesis­yon, pero siyempre, naiinip na rin ako dahil ang feeling ko, kung ‘yun ay para sa kani­lang dalawa, sana ay go na.

“Pero at the end of the day, uulitin ko lang, ang huling magdedesisyon, silang dalawa, kasi silang dalawa talaga ang magsasama. Pero kung sila naman, sana, sana matuloy na,” ang pahayag ng Star for All Seasons.

Ang ganda rin ng sinabi ni Ate Vi tungkol sa magandang samahan nina Luis at Jessy at kung bakit click ang dalawa.

“Siguro, sa tingin ko, every time na they’re here with me, sa lahat ng kalokohan ng anak ko, ang unang-unang tumatawa, si Jessy, eh,” sey ni Ate Vi sabay tawa rin.

“And then, ‘pag magkasama sila, cool lang naman si Jessy. ‘Coz she has a very charming personality. So, siguro, kahit paano, nagsuswak ‘yung character nilang dalawa ng anak kong si Lucky.

“Kasi si Lucky, let’s face it, ilang taon na rin ang anak ko, 37. Jessy is 26. So, meron silang age gap. So, siguro, ‘yung age na ‘yun, ‘yung in between, nagko-com­plement sila sa isa’t isa. So, I think, doon silang dalawa nagki-click,” she said.

Nahingan din ng mga hosts ng advice si Ate Vi para kay Jessy pagdating sa pag-ibig at aniya, pinakaimportante tala­ga ay respeto sa partner.

“There is no such thing as adjustment period. The whole time of the relationship, adjust kayo nang adjust sa isa’t isa. Kai­langan, nagsusuportahan kayo kasi habang tumatagal, nag-iiba-iba ang ugali n’yo. Iba na rin ‘pag may anak, iba na rin ‘pag nagkaedad. So, talagang dapat adjust nang adjust. Pero babagsak pa rin ‘yun (sa) respeto sa partner mo,” ani Ate Vi.

Sa bandang huli ay ginudlak niya si Jessy sa Metro Manila Film Festival movie nito na The Girl in the Orange Dress with Jericho Rosales at nag-invite pa sa manonood. Dito na napaiyak si Jessy.

“Sa lahat naman, puwede bang mag-imbita? Sana, mapanood n’yo naman si Jessy, kasi sometimes, mahirap tayo mag­husga sa tao dahil lang sa nakikita natin.

“Pero ang importante, dapat, kilalanin n’yo muna ‘yung tao. At ‘pag sinuportahan n’yo si Jessy, tandaan n’yo, sasabihin ko, hindi kayo magsisisi,” sey ni Ate Vi.

Sobrang thankful naman ni Jessy sa magagandang salitang binitiwan ng Star for All Seasons tungkol sa kanya.