Mga nanlilimos, binigyan ng x'mas party ng PNP

NAGMISTULANG pi­yesta ang buong com­pound ng Camp Karingal sa Quezon City dahil sa pag­dagsa ng mga katutu­bong Badjao at Aeta.

Kasunod ito ng pagbi­bigay ng pamasko sa ating mga kababayan sa District Director’s Gift Gi­ving and Feeding Pro­gram.

Target ng proyekto na matulungan ang mga In­di­genous People at ang mga mahihirap na resi­dente ng lungsod.

Ang nasabing pro­yekto ay pinangunahan ni QCPD Dir. Chief Supt. Joselito Es­quivel, Jr. ha­bang dinaluhan din ito ng mga kandidata ng Miss Philippines.

Ayon kay Adronico Met­ran, hepe ng social and welfare office ng lungsod, aabot sa 115 ka­tutubong Aetas ang na­sagip sa lansa­ngan at a­abot naman sa 84 ang mga katutubong Bad­jao habang sinagip na rin ang iba pang mga pamilya na natu­tulog sa lansangan at nama­malimos.

Ang mga nasagip na mga pamilya ay dadalhin sa Jose Fabella Center sa Manda­lu­yong pagkata­pos ng pro­yekto ng QCPD habang ang iba ay ihaha­tid mismo paba­lik sa lugar kung saan sila nangga­ling.

Dumagsa ang mga ka­tutubo sa lansangan ng Metro Manila para mama­limos ngayong kapasku­han.