Mga Katoliko, dagsa sa Simbang Gabi, panawagan ni P-Digong na ‘wag nang magsimba, tablado!

PABLO L. HERNANDEZ III / PRANGKAHAN

PANANAMPALATAYA NG MGA KATOLI­KO, NASA DIYOS PA RIN AT HINDI SA TRAPONG TULAD NI P-DUTERTE — Sa kabila ng panawagan ni P-Duterte sa mga Katoliko na huwag nang magsimba ay dinagsa pa rin ng mga Katoliko ang mga Simbahan sa unang araw ng Simbang Gabi.

Patunay ‘yan na nasa Diyos pa rin ang pana­nampalataya ng mga Katoliko at hindi sa mga trapo (traditional politi­cian) na tulad ni P-Du­terte, boom!

◘◘◘

MAS SHOCKING ANG ‘PALUSOT’ NI DIOKNO KAYSA SA SCAM NI NAPOLES — Mas shocking ang nabulgar na umano’y P75 billion ‘palusot’ ni Budget Sec. Benjamin Diokno sa 2019 National Budget kaysa sa sinasabing P10-B pork barrel scam noon ni Janet Napoles.

Sobrang laki kasi ang P75-B alingasngas na kinasasangkutan ni Diokno kaysa sa P10-B scam ni Napoles.

Kaya 'yung sinabi ni Diokno sa isang interview na hindi na siya dadalo sa imbestigas­yon ng Kongreso ay hindi puwede ‘yan, kasi dapat malaman ng mamama­yan kung para saan at kung sinu-sino ang mga magpaparte-parte sa pera ng bayan? Period!

◘◘◘

SA WAKAS, UMA­MIN NA RIN SI AL­VAREZ, CORRUPTION ANG UGAT NG BANGAYAN NG MGA KONG AT NI DIOK­NO — Ibinulgar ni ex-House Speaker Panta­leon Alvarez na ang ugat daw ng banga­yan ng mga kongresis­tang kaalyado ni Speaker Gloria Ma­ca­­pagal-Arroyo at ng ‘bata’ ni P-Duterte na si Budget Sec. Benjamin Diokno ay tungkol sa umano’y korupsiyon sa road board fund ng DPWH at DOTr.

Ganu’n? Aba, no­ong si Alvarez pa ang Speaker, ang isa sa bukambibig nito ay anti-corrupt daw ang Duterte gov’t. pero ngayong hindi na siya Speaker, siya na rin mismo ang umamin, corruption ang pinag-aawayan ng mga tao ni GMA at bata ni P-Duterte, mga buset!

◘◘◘

TULOY ANG PAG­BAHA NG DUGO KAHIT NGAYONG PANAHON NG KA­PASKUHAN — Sabi ng PNP, kahit ngayong kapas­kuhan ay tuloy pa rin ang kanilang ‘war on drugs’.

Okey 'yan, kung sana ay walang mababalitang ‘nanlaban’ kaya napatay, kasi nakakikilabot ting­nan na ngayong ka­paskuhan ay buma­baha ng dugo sa Pilipinas, 'kakatakot !