DECENT FINISH SA 2019, PRAMIS NI PEREZ SA DYIP

GAYA nang inaasahan kinuha ng Colum­bian Dyip si top rookie Filipino-American CJ Perez , napunta si Bobby Ray Parks Jr. sa Blackwater at si Robert Bolick sa Northport Batang Pier sa first round sa 2018 PBA Draft na ginawa sa Robinson’s Mall sa Ermita, Manila.

Bukod kay Perez, kinuha ng Columbian Dyip ang serbisyo ni Emmanuel Calvo sa first round at si Cyrus Tabi sa second round at JRU Heavy Bombers hotshots Bernabe Teodoro sa 3rd round.

Bilang kulelat sa dalawang nagdaang conference sinamantala ng Columbian Dyip na kunin ang serbisyo ni Perez at umaasang dadalhin ng Lyceum Pirates superstar sa magandang kinalalagyan ang Columbian sa 2019 PBA season. “Columbian Dyip picked me as additional to its lineup. I have the duty to help my new found team reaches decent finish next year,” sabi ni Perez.

Kinuha rin ng NLEX si UP Maroons star Paul Desiderio sa first round at si Abu Tratter sa first round at Kyles Lao sa third round at sinamantala ng Rain or Shine Jayvee Mocon at Rodolfo Alejandro sa first round at Kristofer Porter sa second round.

Kinuha ng Alaska Aces si Jesper Ayaay sa first round at si Gideon Babilonia sa 2nd round. Napunta si Michael Calisaan sa Magnolia Hotshots sa first round at Jeepy Faundo sa 2nd round. Si Joey Napoles ay napunta sa Phoenix Fuel Masters sa first round.

Hindi kumuha ang Alaska sa 3rd round matapos kunin ng RoS si Kent Lao at si Ryan Monteclaro ng San Miguel Beer. May 47 rookies kasama ang pitong Fil-Foreign players ang sumama sa 2018 Draft season na walong beses ginawa sa Robinson’s mula 2010.