bebot binaril sa ulo

DEDBOL ang isang babae matapos barilin sa ulo ng hindi kilalang suspek sa Navotas City, kamakalawa ng gabi.

Inilarawan ang biktima na nasa 20-25 ang edad, may tattoo ng paruparo sa likod na natagpuan ni Dygie Of­queria Morula, 37, alas-10:45 ng gabi sa madilim na bahagi ng alley sa Ma­tam­baka Street, Bgy. North Bay Boulevard South (NBBS).

Ayon kay Navotas Po­lice Deputy Chief for Ad­ministration Supt. Ferdi­nand Balgoa, nagpapatrulya ang mga tauhan ng Navotas Police Mobile Patrol Unit sa kahabaan ng Lapu-Lapu Avenue nang tawagin ni Mo­­rula ang kanilang aten­siyon at ipinaalam ang na­tagpuang bangkay.

Hiniling na umano ng mga residente sa kanilang barangay official na magla­gay ng CCTV camera at mga ilaw sa nasabing lugar suba­lit, hindi umano pinakinggan ang kanilang apela.

Patuloy naman ang im­bestigasyon sa insidente.