Agawan sa babae | 67 YRS. OLD PINATAY NG EDAD 71

DEAD-ON-ARRIVAL sa ospital ang isang senior citizen makaraang pagbabarilin ng kanyang karibal sa isang bebot na senior citizen din sa Pangasinan.

Kinilala ang nasawi na si Cipriano Valimosa, 67, habang ang suspek na nakatakas ay si Frankie Salinas, 71, kapwa may asawa.

Alas-8:30 ng gabi, namimili umano ang biktima sa tindahan nang biglang sumulpot ang suspek at binaril ang biktima sa dibdib na sanhi ng kamatayan nito.

Napag-alaman sa mga kaanak ng biktima na matagal na umanong magkagalit ang dalawa dahil sa isang babae sa videoke bar na kanilang pinag-aagawan na i-table ngunit, palagi umanong nangunguna ang biktima.