TIONGCO, SASABAK ULIT SA WORLD MUAY THAI C’SHIP

LALAHOK ang Pili­pinas sa pamamagitan ng Kickboxing Association of the Phil ( KAP ) kilala ring International Muay Thai Fed - Phil (IMTF-PHIL) sa 16th WMF-World Muay Thai Cham­pionships The Bazaar Bangkok, Thailand sa Marso 12-22 2019.

Tatayong coach at trainer ang dating Muay Thai at kickboxing cham­pion na si Allan Visperas ng mga pambatong Muay Thai fighter na sina Arjay Visperas sa 48kgs, Jervie Tiongco sa 51kgs, Jervin Tuazon sa 67kgs at nag-iisang babaeng si Krisna Limbaga, 51kgs na kaka­tawanin ang Aurora Pro­vince sa prestihiyosong torneo.

Ang delegasyon ay pangungunahan ni Atty. Christian Noveras kasama si Rolando Catoy, WMF National Representative, Wilson Oropilla bilang team manager, assistant manager si Edgardo Ge­neta at Mr. Gabriel Na­diahan bilang media o magko-cover ng laro.

Sinungkit ni Jervie Tiongco ang gold medal sa 51kgs noong nakara­ang 15th WMF World Muay Thai Champion­ships nang talunin niya ang pambato ng Russia sa pamamagitan ng knock­out matapos tamaan ng roundhouse kick sa pa­nga ang Ruso sa 3rd ng kanilang final round.

“Sisikapin kong ma­nalo ulit ng gold sa da­rating na World Cham­pionships” ani Tiongco. (MC)