Pulis todas sa riding-in-tandem

PINAGBABARIL hanggang sa mapatay ng riding-in-tandem ang isang pulis habang nagte-text sa Quezon City kaha­pon ng hapon.

Dead-on-the-spot sanhi ng tatlong tama ng bala sa ulo at katawan ang biktimang si PO2 Arthur Cordero.

Ayon kay Quezon City Police District Director P/Chief Supt. Joselito Esqui­vel, Jr., si PO2 Cordero ay dating pulis na huling na­katalaga sa District Anti-Illegal Drugs ng Manila Police District, ngunit, si­nasabing idineklarang AWOL o Absent Without Official Leave noong 2015.

Sa inisyal na report ng Quezon City Police Dis­trict-Criminal Investiga­tion and Detection Unit, pasado ala-1:00 ng hapon nang maganap ang pana­nambang sa bahagi ng Calavite St., Bgy. La Loma.

Naglalakad lamang umano ang biktima sa lu­gar at abalang nagte-text nang bigla na lang itong targetin ng dalawang sus­pek na lulan ng motor­siklo.

Isa sa mga tiniting­nang motibo sa pananam­bang ay kung sangkot ito sa illegal drugs o sa kan­yang trabaho.

Matatandaang, nito lamang nakaraang araw nang pagbabarilin din ng riding-in-tandem hang­gang sa mapatay si P/Insp. Romeo Nicolas Tandas, 49, nakatalaga sa District Tactical Operation Unit ng Quezon City Police District.