Mapayapang Simbang Gabi para sa ligtas na kapaskuhan
"GENERALLY peaceful”. Ganito umano maisasalarawan ang unang araw ng Simbang Gabi.
Sa assessment ng National Capital Regional Police Office (NCRPO) batay na rin sa ulat ng iba’t ibang police districts, walang naitalang ‘untoward incidents’ sa mga lugar sa Kalakhang Maynila.
Kasabay ng pagtitiyak na patuloy ang mga awtoridad sa pagbabantay hindi lamang sa mga Simbahan kundi maging sa mga kalye upang matiyak na ligtas ang mga dadalo sa Simbang Gabi.
Kahit walang namo-monitor na banta sa seguridad, hinikayat pa rin ang publiko na maging mapagmatyag.
Habang nasa heightened alert status ang kapulisan kaugnay ng Ligtas Paskuhan 2018, dapat din tayong makiisa.
Kaugnay sa ulat na mapayapa ang unang araw ng Simbang Gabi, umaasa tayo na magtutuluy-tuloy ito hanggang sa ikasiyam at siyempre, hanggang sa mga susunod pang araw.
Nawa ay maipakita natin na kaya nating maging disiplinado sa lahat ng oras, pagkakataon at lugar.
Hindi lamang ito para sa pagdiriwang ng kapaskuhan kundi para sa kaligtasan ng bawat isa.
Comments