Magsasaka tepok sa 2 armado
Pabs Hernandez III
Dec 17, 2018
1 min read
SOUTH COTABATO—Isang magsasaka ang namatay nang barilin ng dalawang armadong salarin, kamakalawa sa Bgy. Ned, Lake Sebu sa lalawigang ito.
Kinilala ang biktima na si Seden Ugal, samantalang, ang mga suspek ay sina Annie at Kayugan Tungkay, pawang nakatira sa nasabing bayan.
Ayon sa ulat, tinawag ng mga suspek si Ugal at nang lumabas ng bahay ay agad pinagbabaril ng mga salarin ang biktima.
Nagpalabas na ng manhunt operation ang mga awtoridad para madakip ang mga suspek.
Comments