Kung maaari pang i-claim ang funeral benefits ng miyembro ng GSIS kahit isang taon nang nakalipas

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Namatay ang tiyu­hin ko na noon ay aktibong miyembro ng GSIS, isang taon na ang nakalilipas. Maa­ari pa bang i-claim ng kanyang mga kapa­mil­ya ang funeral benefits ng aking tiyuhin sa GSIS kahit isang taon na ang nakali­pas? — Ave

Dear Ave,

Para sa inyong kaa­la­man, ang inyong kata­nungan ay tina­talakay sa Section 28 ng Republic Act No. 8291 o mas kilala bilang “The Government Service Insurance System Act of 1997” kung saan nakasaad na;

“SECTION 28. Prescription. — Claims for benefits under this Act except for life and retirement shall prescribe after four (4) years from the date of contingency.” [Sina­lung­gu­hitan para big­yang-diin.]

Sang-ayon sa na­banggit na probisyon ng batas, ang pag-claim ng funeral benefits sa ila­lim ng GSIS ay maaaring gawin sa loob ng apat (4) na taon mula nang mamatay ang miyem­bro.

Kaugnay nito, dahil isang (1) taon pa lang ang nakalilipas mula nang mamatay ang inyong tiyuhin, maaaring i-claim ng kanyang kapamilya ang kanyang funeral benefits.

Nawa ay nasagot na­min ang inyong katanu­ngan. Nais na­ming ipa­alala sa inyo na ang opinyong ito ay naka­base sa inyong mga naisalaysay sa inyong liham at sa pagkaka­intindi namin dito. Maaaring maiba ang opinyon kung mayro­ong karagda­gang im­pormasyong ibibigay. Mas mainam kung personal kayong sasang­guni sa abo­­gado.

Maraming salamat sa inyong patuloy na pagtitiwala.