GO-FOR-GOLD WRESTLER, MALAKAS ANG LABAN SA SINGAPORE TILT

MAY matingkad na per­formance sina grapplers Jhonny Morte at Alvin Lobreguito bago magtapos ang taon nang do­minahin ng Philippine Go For Gold wrestling team ang bak­bakan at handa na ang mga ito sa 30th Southeast Asian Games.

Ipinamalas ni Lobreguito, bronze medalist sa Asian Indoor Martial Arts Games ng nakara­ang taon na mas malakas siya kay Zhe-Xiu Liu ng Chinese Taipei sa finals ng 57-kilogram men’s freestyle at maibulsa ang gold medal kamakailan sa pres­tihiyosong Jagsport Wrestling Championships sa Singapore.

Isa pang gold-medal bet sa SEA Games, si Morte ay nag­hari sa 65kg category ng pare­hong event nang talunin ang kapwa Go For Gold grappler Jonathan Maquilan sa All-Filipino finale.

Matapos ang silver finish ni Maquilan, naduplika rin ni two-time SEAG gold medalist Mar­garito Angana Jr. ang tagumpay kontra Eko Roni Saputra ng Indonesia sa 61kg champion­ship round. “This is a good result for the wrestling team and I believe with continued support, they can bring us gold medals in the coming SEA Games,’’ ayon kay Go For Gold godfa­ther Jeremy Go.

Naka-silver medal din sa men’s freestyle ay si Royce Ma­dison King Tiu, na bagamat kuntento sa performance niya sa 86kg finale ay kay Brian Siano ng United States napunta ang gold.

Sa kabuuan, nakapag-uwi ang Pinoy grapplers ng two gold at three silver bukod sa two bronze ni Ronil Tubog (61kg) at promising junior wrestler Cadel Evance Hualda (80kg). “It’s too early to tell if we are ready for the SEA Games. The team needs more international exposure, which we are plan­ning to do in our buildup for the Games,’’ ayon kay Go-For-Gold project director Ednalyn Hualda.

Sinusuportahan din ng Go For Gold ang SEAG prepara­tion ng national teams sa triath­lon, sepak takraw, cycling, dra­gonboat at skateboarding at iba pa. “We have already identified the athletes whom we should focus on for them to deliver a gold medal,’’ ani Hualda. Ang susunod na SEA Games ay iho-host ng Pilipinas sa Clark, Subic at iba pang venues sa Metro Manila sa Nob. 30-Dis. 11. (MC)