Rider pisak sa trak

HINDI na umabot ng buhay sa pagamutan ang isang 22-anyos na lalaki makaraang sumalpok sa trak kamakalawa ng hapon sa Mangaldan, Pangasinan.

Nakilala ang biktimang nasawi na si Jonjon Soriano, 22, may asawa, naninirahan sa nabanggit na lugar.

Nakilala naman ang drayber ng trak na si Roger, may asawa ng nabanggit ding lugar.

Ayon sa imbestigasyon, bandang hapon, papauwi na ang biktima galing sa inuman lulan ng kanyang motorsiklo.

Matulin umano ang pagpapatakbo nito sa motorsiklo na nag-overtake sa isang sasakyan kung saan hindi nito napansin ang kasalubong na trak kaya sumalpok ito.

Wasak ang bungo ng rider na sanhi ng agad nitong kamatayan.