Kung si Vice, walang pasabog… COCO, NAGSAYAW BUMENTA LANG ANG MOVIE

Erlinda Rapadas / TEKA NGA

KUNG sina Dingdong Dantes at Richard Gutierrez ang added attraction ni Vice Ganda sa movie niyang Fantastica, sina Coco Martin at Maine Men­­­doza naman ang masasabing lucky charm ni Bossing Vic Sotto sa pelikulang Jack Em Popoy: The PulisCredibles na pambato ng M-ZET, APT Films at CM Productions sa darating na MMFF 2018.

Maraming bagong ipinakita at ginawa si Coco sa movie niya with Comedy King Vic Sotto. Bukod sa action scenes, may pa­komedi at nagsayaw pa raw sa movie si Jack Halimuyak (Coco).

Sey ng mga netizens at showbiz observers, tiyak na magkakaalaman sa filmfest box office result kung malakas pa rin ang karisma ni Vice Ganda sa tao o dadaigin na siya ng karisma ni Coco na phenomenal ang pagsikat dahil sa Ang Probinsyano.

Maraming fans na bata’t matanda si Coco Martin. Tiyak, hindi nila palalampasin ang Jack Em Popoy: The PulisCredibles. Eh, si Vice Ganda, ano ang bago niyang pasabog?