Dapat gawin para hindi lumala ang pananakit ng balakang

SHANE M. LUDOVICE, M.D / SABI NI DOC

Dear Doc. Shane,

Ako ay 41 years old at may 4 na anak. Problema ko ang pananakit ng aking balakang gayundin, inii­sip ko na baka may UTI ako kaya nagpa-urinalysis ako pero, wala namang prob­lema. Nais kong ma­laman kung ano ang mga dahilan at dapat kong gawin para rito? — Elvira

Sagot

Tulad ng iba pang pangmatagalang pananakit o chronic pain, ang pananakit ng balakang ay mas madalas maranasan ng kababaihan kaysa sa kalalakihan.

Narito ang ilan sa pangunahing dahilan ng pananakit ng balakang:

• Arthritis — parti­kular na ang osteoarthritis. Ito ay dulot ng wear and tear o resulta ng pag­tanda ng tao. Ang ball at socket sa kasukasuan ay nag­sisimula nang masira dahil sa pagtanda. Ang sa­kit na dala ng arthritis ay kadalasang nararam­daman sa balakang dahil sa panini­gas o pama­maga ng kasuka­suan.

• Pinsala sa balakang — ang fracture o pinsala sa balakang ay mas madalas sa mga matatanda, lalo na sa mga taong may osteoporosis o ang unti-unting pag­nipis ng mga materyal sa mga buto.

• Tendinitis o bursitis — ang mga kalamnan ay ikinokonekta ng tendons sa kasukasuan. Ang tendons ay madaling mamaga kapag nasobrahan ng gamit, lalo na kung gumawa ng nakapa­pagod na aktibidad. Ang isa sa pangunahing sanhi ng tendinitis, lalo na sa mga atleta ay ang iliotibial band syndrome – ang iliotibial band ay makapal na tissue na papuntang tuhod.

• Hernia o luslos — ma­a­ari itong tumubo sa bandang tagiliran ng bala­kang. Ito ay tinatawag na femoral o inguinal hernia, isang klase ng luslos na sanhi ng pagka­karoon ng karag­dagan pressure sa tiyan. Ang luslos na ito ay mas madalas sa mga buntis. Ito ay maaari ring magdulot ng matinding pananakit sa balakang.

• Endometriosis— san­hi ito ng maling pag-develop ng lining ng matris. Ang sakit ay maaaring maramda­man mula sa likod hanggang sa mga binti.

Gamot sa pananakit ng balakang:

Ang lunas sa pananakit ng balakang ay depende sa makikitang sanhi ng naturang pananakit.

• Heat treatment, pahinga at over-the-counter na mga gamot para sa pamamaga.

• Mag-stretching muna bago mag-ehersisyo.

• Magsuot ng tamang damit.

• Gumamit ng maayos na sapatos, lalo na kung tatakbo.

• Panatilihing malusog ang pamumuhay.

• Iwasang manigarilyo.

• Ugaliing uminom ng maraming tubig.

• Siguruhing mayroong sapat na pahinga.

Gayunman, pinapa­yuhan pa rin kayong mag­pakonsulta sa doktor para mabigyan kayo ng mga ka­rag­dagang impor­masyon tungkol sa inyong karamda­man.