BRONZE ANG LIFESAVERS, KONTRA HD SA SUPERLIGA

MALAKAS na laro ang ipinamalas ng Generika-Ayala nang pakapusin ang Cignal HD Spikers, 25-12, 30-28, 25-13 at sungkitin ang bronze-medal sa Philippine Superliga All-Filipino Conference kahapon sa Mall of Asia Arena. Ang apatan nina Patty Orendain, Angeli Araneta, Fiola Ceballos at Ria Meneses ang bumida sa Lifesavers at dinomina ang HD Spikers upang umakyat muli sa medal podium ng prestihiyosong women’s club tourney.

Namuno si Orendain sa bisa ng game-high 16 points na may 11 kills, 4 blocks at service ace habang si Araneta ay nakapaghatid ng 10 spikes at three blocks para sa Lifesavers, na huling nagkamedalya nang ibandera nila ang De La Salle University noong 2014 Grand Prix.

Nagdagdag sina Ceballos at Meneses ng 10 at 9 na marka kung saan lumakas din para sa Lifesavers ang depensa nina libero Kath Arado, na may 15 digs at 9 excellent receptions.

Sinabi ni Generika-Ayala head coach Sherwin Meneses na kuntento na sila sa resulta ng laro sa conference.

“Of course, we’re happy because we boosted our rankings compared to the previous conferences,” aniya na tinapos ng kanyang koponan ang preliminaries na may 6-4 win-loss record bago pinabagsak ang Smart sa quarterfinals at hilahin ang F2 Logistics sa five sets bago sila sumuko sa semifinal battle. “I hope that the management would retain this lineup because the best is yet to come for this team.”

Nanguna na ang Generika-Ayala sa third set sa 22-12 at hindi na lumingon tungo sa a bronze-medal finish. Nalagay ang Cignal sa fourth place kung saan nakapagtala sina Royse Tubino at Rachel Daquis ng 15 at 10 points. (MC/VA)

Laro sa Martes (Mall of Asia Arena) 4:15 pm – La Salle-Dasmariñas vs CSA; 7:00 pm — Petron vs F2 Logistics