Pinasok sa bahay | MISIS TINANGAY NG 10 ARMADO

TINANGAY ng armadong grupo ang isang ginang makaraan silang pasukin sa kanilang bahay sa Bgy. Paslong, Bula, Camarines Sur.

Nagpapahinga sa kanilang kuwarto ang mag-asawang Philbert at Judy Asaula, 48, nang pasukin sila at atakihin ng nasa sampung lalaki na may dalang mga armas.

Ayon kay Chief Insp. Maria Luisa Calubaquib, isa sa mga suspek ang bumaril kay Philbert at tumama sa kanyang kamay habang ang ilan sa kanila ay puwersahang inilalabas ng bahay si Judy hanggang sa matangay na nila ito.

Bukod sa pulisya, humingi na rin ng tulong ang mister sa militar upang mapabilis ang paghanap sa kanyang maybahay at mapanagot ang mga salarin.