6 huli sa akto | DOOR-TO-DOOR DELIVERY NG DROGA, BUKING

KULONG ang anim na suspek kung saan nabisto ang estilong door-to-door delivery ng droga sa Cavite.

Sa ulat sa Balitanghali, makikita sa surveillance video ng Bacoor Police na tuloy pa rin ang pagbibilang ng pera at pag-aabot ng droga sa parukyano sa tabing-kalsada kahit may mga dumaraan.

Nang makasakay na ng sasakyan ang mga suspek, hinabol na sila ng mga pulis.

Nahuli ang anim na suspek kabilang ang umano’y lider ng drug group na si Grace Elarin.

Narekober sa kanila ang halos P400,000 halaga ng shabu at ang sasakyang ginagamit nila sa door-to-door delivery.

Wala umano silang pinipiling barangay kahit dis-oras ng gabi o umaga.

Iginiit naman ng sinasabing lider na napag-utusan lang siyang mag-deliver. (BRT)