Pagkakataon na maaaring maipasara ang kumpanya kahit hindi ito nalulugi
Dear Chief Acosta,
Magandang araw! Nais kong malaman kung maaari bang ipasara ang kumpanya kahit hindi ito nalulugi? — Allison
Dear Allison,
Para sa inyong kaalaman, ang inyong katanungan ay tinalakay ng ating Korte Suprema sa kaso ng Capitol Medical Center, Inc.et al. vs. Dr. Cesar E. Meris (G.R. No. 155098 – September 16, 2005) na isinulat ni Mahistrado Conchita Carpio-Morales kung saan ipinaliwanag na: “Clearly then, the right to close an establishment or undertaking may be justified on grounds other than business losses but it cannot be an unbridled prerogative to suit the whims of the employer.
The ultimate test of the validity of closure or cessation of establishment or undertaking is that it must be bona fide in character. And the burden of proving such falls upon the employer.” (Binigyang-diin)
Samakatwid, maaaring ipasara ang kumpanyang hindi nalulugi kung ang sanhi ng pagsasara nito ay balidong dahilan at hindi ito ginawa upang manloko ng ibang tao o tumakas sa anumang obligasyon.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments