Mag-ama sugatan sa tandem

MAGUINDANAO—Sugatan ang mag-ama nang barilin sila ng riding-in-tandem, kamakalawa sa Bgy. Poblacion, Pagalungan sa lalawigang ito.

Ang mag-amang biktima na ginagamot sa ospital ay sina Sadak, 38-anyos at Sukor Sulaiman, 5-anyos, kapwa residente sa nabanggit na barangay.

Nabatid na nakatayo sa harap ng kanilang bahay ang mag-ama nang sumulpot ang dalawang hindi kilalang lalaki na lulan ng motorsiklo at agad pinagbabaril ang mga biktima.

Nagpalabas na ng manhunt operation ng mga awtoridad para madakip ang mga suspek.