NAKALILITO KUNG MAY PBCSC PA PARA SA MGA ATLETA

HINDI na kailangan ang Philippine Boxing and Combat Sports Commission (PBCSC) para pangasiwaan ang professional boxing sa bansa.

Sinabi ni Partylist Rep. Rodel Batocabe ng AKO-Bikol na duplikasyon lamang sa gawain at responsibilidad ng Games and Amusement Board (GAB) ang PBCSC at makalilikha lang ng ka­lituhan sa atletang Pinoy at dagdag gastusin sa kaban ng bayan na dapat ay ituon na lamang sa mas pagpapala­wig ng programa sa sports, higit sa grassroots level.

“There’s no need for it, really,” pahayag ni Batocabe sa media statement.

“What should be done is not to create another (com­mission) but to strengthen the instritutional mechanisms regulating boxing and other sports,” aniya. “Ang GAB ay subok na nating lahat sa matagal ng panahon. Kung bagong commission, may learning curve pa, may trial and error pa,” sambit ni Batocabe

“Sa basketball, former Sen. Robert Jaworski did not put up a basketball commis­sion during his time as a lawmaker,” pagdidiin ng Partylist representative.

Iginiit pa ni Batocabe na hindi makatutulong sa ad­hikaing kaunlaran ng Pa­ngulong Duterte ang pag­daragdag ng bagong pagka­kagastusan ng kaban ng bayan.

Batay sa probisyon ng PBCSC na isinulong ni Senator Manny Pacquiao, may inisyal itong budget mula sa General Appro­priation (GA) na P150 milyon.

Sa record, ang GAB ay tumatanggap lamang ng hindi lalagpas sa P80 milyon sa nakalipas na mga taon.

Pinangangasiwaan ng GAB ang lahat ng profes­sional sports sa bansa, ka­bilang ang mga bagong sports na jet ski, triathlon, mixed martial arts, three-point shootout at eSports.

Sa pangangasiwa ni Mitra, naisulong ng GAB ang libreng medical test sa lahat ng atleta, gayundin ang MRI at CT Scan sa mga con­tact sports tulad ng boxing, basketball at MMA.

Dahil dito, ginawaran ng prestihiyosong World Box­ing Council (WBC) ‘Com­mission of the Year’ ang GAB noong 2017 WBC World Convention.

Ginamit ding template ang programa ng GAB sa lahat ng miyembro bansa ng WBC. (MC)