BINGKAY, UMENTRA SA F4 NG WORLD 9-BALL CHINA

MATAGUMPAY na na­­ka­sargo si Rubilen “Bing­kay” Amit ng Pilipinas pa­pasok sa final 4 ng presti­hiyosong 2018 Women’s World 9-Ball Champion­ships sa loob ng Hainan Tro­pical Ocean University gym­nasium sa Lungsod ng San­ya, Hainan Province, China.

Nagsilbing tulay ni Amit, dalawang beses nang nag-reyna sa larangan ng 10-Ball sa buong mundo, sa pagpa­sok sa semifinals ang kan­yang mga tagumpay laban sa Intsik na si Huai Yi Ng, 7-1, bago nasaksihan ang tatag ng pulso kontra sa Haponesang si Miyuki Kuribayashi, 7-6 sa kompetisyong naglalaan ng USD 175,000 na paprem­yo sa mga makapapasok sa winners’ circle.

Pagkatapos ng kambal na panalo, sinagasaan din ng Pinay sina Ivanovskaia, 9-4; local bet Huang Qing Ning, 9-3 at Chen Ho Yun ng China, 9-6.

Samantala, walang kinang ang naging kampanya ni two-time SEA Games titlist Chez­ka Centeno nang tumiklop ito sa hamon ni Fu Xiaofang ng China, 2-7, sa Group C ng paligsahang isinasaayos ng Chinese Billiards & Snoo­ker Association at Beijing Guoao Zhonghe Culture Com­­­pany kaya nag-alsa ba­lu­­tan na rin ito nang maaga.