ZAGKLIS, BAGONG FIBA SECGEN

PORMAL na itinalaga ng mayorya ng mga miyem­bro ng International Basket­ball Federation (FIBA) Cen­tral Board si Andreas Zagk­lis bilang bagong FIBA Sec­re­tary General noong naka­ra­ang Biyernes.

Nanunungkulan bilang FIBA Director for Legal Ser­vices and General Counsel, si Zagklis ay kinuha ng FIBA noong 2016 mula sa siyam na taong pagiging external legal advisor.

Nagsimula ang kanyang panunungkulan bilang sec-gen kahapon-Disyembre 8.

Ang 38-anyos na Greek national ay aktibo sa basket­ball sa loob ng mahigit 20 taon.

Si Zagklis ang pumalit kay dating Secretary General Patrick Baumann na suma­kabilang buhay noong naka­raang Oktubre 13 sa Buenos Aires.

Tinanggap ni Zagklis ang kanyang under- and post-graduate degrees mula sa Law School of the Uni­versity of Athens habang kinumpleto niya ang post­gra­­duate program sa Olym­pic Studies sa International Olympic Academy.

Nagtapos din siya ng Leadership in Corporate Counsel program sa Har­vard Law School (USA).

Bilang isang propes­yunal, si Zagklis ay tuma­yong adviser ng mga bas­ketball players, coaches at clubs at naging assistant to the Court of Arbitration for Sport (CAS) sa tatlong Olympic Games (2004, 2006, 2008).

Maliban sa pagiging FIBA Legal Department chief, naging instrumental din siya sa pag-angat ng Basketball Arbitral Tribunal (BAT). (VA)